تاریخ انتشار: 29 دسامبر 2020 شماره مطلب: 33898 تعداد بازدید: 934 نظرات: 0
انجمنها:
اولماز - اولماز - عاشیق علی عسگر
عاشق اولان عشقه دوشر، درد چکر،
منیم کیمی دردی یوز اولماز-اولماز.
هر آغاجدان صندل، هر یارپاقدان گل،
هر تورپاغین طامی دوز اولماز-اولماز.
ذکرسیز مومنی شیطان آللادار.
ساییقسیز ایگیدی دشمن آللادار،
عاغیلسیز جاهیلی کیرشان آللادار،
گونی کئچمیش قاری قیز اولماز-اولماز.
علیعسگر صرافسان، گوهری تانی،
دوستلارا قرباندی دشمنین جانی،
جومردین کیسهسی، مردلرین نانی،
انشاءالله ئولونجه آز اولماز-اولماز.
![Share](/sites/all/modules/addtoany/images/share_save_171_16.png)