کسیلدی - عاشیق علی عسگر

کسیلدی - عاشیق علی عسگر

ناگاه باد سرسر اسدی اوزومه.
عمر بوستانیمین طاغی کسیلدی.
ئوز الیمله خطا دگدی اوزومه،
بدندن قولومون ساغی کسیلدی.

قضا توتدو، قدر منی بودادی،
آغلاتدی دوستلاری، گولدوردو یادی.
زهرمارا دوندو آغزیمین دادی،
الیمده شربتیم آغی کسیلدی.

کونلوم یاسدان چیخماز، قلبیم قارادان،
بو غم‌ و محنتدن، بو ماجرادان،
دولت گیتدی، حرمت قالخدی آرادان.
قاپیمیزدان دوست آیاغی کسیلدی.

چوخ قاچدیم قضادان، اولمادی چارا،
بیر وورموشدو، بیرده ووردو دوبارا،
چينونيك‌لر ایسته‌دی که، قورتارا،
دوستلاریم ئوزومه یاغی کسیلدی.

بلبل ایدیم، آیری دوشدوم گلومدن،
فلکین قلنجی دگدی بئلیمدن،
بیر تولك ترلانیم گیتدی الیمدن.
اورگیمین بندی، باغی کسیلدی.

قول علی‌عسگر، ایشین مشگلدی، مشگل،
دردینی دیمگه یوخدو اهل دل،
دوک باشینا، فغان ائیله متصل،
داها دئیب، گولمك چاغی کسیلدی.