رفتن به محتوای اصلی

دولانسین - عاشیق علی عسگر

تاریخ انتشار:

دولانسین - عاشیق علی عسگر

گردنینه نچه شاهمار دولانیب،
کؤنول ایستر او شاهمارا دولانسین.
عرضیم آلیب، التماسیم توتماسان
مجنون اولوب، بو داغلارا دولانسین.

ظالم جلّاد سوساییبدی قانینا.
بیزیمکی ده قالسین حق دیوانینا.
فلك عشق آتشین سالیب جانینا.
لازمدی پروانه نارا دولانسین.

بگنمیشم خاصیتینی، حالینی،
یارادان بول ویریب هوش-کمالینی،
سن اله گیزلتمه مه جمالینی،
شعله‌سینه قوی فقرا دولانسین.

بال باهالانیبدی، قیریلیب آری،
یاغ ساتانلار مالا سالدی آزاری،
مین‌ ماناتا قالخدی داراغان داری،
نه‌ گون چیخسین، نه ستارا دولانسین،

داد سنین الیندن چرخ کجمدار..!
اورگیمده مین ساغالماز یارا وار...
عاشق دگیرمانچی، آقا چاروادار،
صراف گلسین بو بازارا دولانسین.

ظالم جلاد نه گیریبدی قصدینه.
خبر ویرین اولادینا، دوستونا،
شاهلار شاهی سایه سالسین اوستونه.
علی‌عسگر تك بختی قارا دولانسین.

موضوع انجمن

افزودن دیدگاه جدید

متن ساده

  • تگ‌های HTML مجاز نیستند.
  • خطوط و پاراگراف‌ها بطور خودکار اعمال می‌شوند.
  • نشانی‌های وب و پست الکتونیکی به صورت خودکار به پیوند‌ها تبدیل می‌شوند.
بازگشت بالا