ائیله‌میشم - عاشیق علی عسگر
ائیله‌میشم - عاشیق علی عسگر
آلا گوزلوم، سندن آیری دوشه‌لی
هجرانین غمیله کیف ائیله‌میشم.
گونوم آهنان، واینان کئچیب دنیادا.
.. آلیب غم ساتیب نفع ائیله‌میشم.
سندن آیری دانیشمیرام، گولمورم،
جانیمدان بزمیشم، اوله بیلمیرم.
نه مدتدی قوللوغونا گلمیرم.
باغیشلا تقصیریم، سهو ائیله‌میشم.
حسرت قویما گوزو گوزه آماندی!
یاندی باغریم، دوندو کوزه، آماندی!
گئچن سوزو چکمه اوزه. آماندی!
هذیان دانیشمیشام، لاف ائیله‌میشم.
انصافدیمی گله همدم خار اولا،
تولك ترلان اویلاغیندا سار اولا.
علی‌عسگر ایسته‌ییر بیر بازار اولا
سئچمیشم گوهری، صاف ائیله‌میشم.
موضوع انجمن
افزودن دیدگاه جدید