اوزون بورومه - عاشیق علی عسگر
اوزون بورومه - عاشیق علی عسگر
آی بیمروت، حسرتینی چکمکدن
یتیشمیشم جانا، اوزون بورومه!
ایللر آیری سییق، فرصت دوشنده
چکیلیب پنهانا، اوزون بورومه!
یوسف کیمی سالدین منی آزارا.
طبیبیمسن، ائله دردیمه چارا.
یا بویور جلادا، یا چکدیر دارا،
یا یئتیر درمانا، اوزون بورومه!
یازیق علی‌عسگرم، من سنه قربان!
خسته‌یم دردیمه گل ائله درمان!
سن ملک‌زاده‌سن، آی حوری-غلمان،
گلمیشم قربانا، اوزون بورومه!
موضوع انجمن
افزودن دیدگاه جدید