بییستان - عاشیق علی عسگر
بییستان - عاشیق علی عسگر
دوداغین غنچه‌دی، دیشلرین صدف،
قاشلارین قدرتدن قارا، بییستان!
گل ائله سوزدورمه آلا گوزلری،
وورما اورگیمه یارا بییستان!
عشق اهلییم، درد چکمکدن اوزوللم.
نسیلدن نجیبسن، اصلینی بیلسم.
بیرساعات جمالین گورمه‌سم ئوللم:
گورسمده یانارام نارا، بییستان!
قضا-قدر منی کج دولاندیرار،
سئوگینی سئوگیدن تئز اوساندیرار.
بلبل ئوزون اودا سالار، یاندیرار،
غنچه میلین ویرسه خارا، بییستان!
علی‌عسگرم، دوغرو یولدان آزمارام.
هرجائی گوزله تعریف یازمارام،
یوز ایل گئچسه الیم سندن ئوزمرم،
چکسه‌لر دیلیمدن دارا بییستان!
موضوع انجمن
افزودن دیدگاه جدید