بیلمیرم - عاشیق علی عسگر
بیلمیرم - عاشیق علی عسگر
کوسمه، آی بیمروت گوزل،
دردیم چوخ دوزه بیلمیرم.
اوز بورویوب قاچما مندن.
من سنسیز گزه بیلمیرم.
دلبرین قصدینه گیردیم.
آلا گوزلرینی گوردوم.
قوور ائله‌دی کهنه دردیم،
اولوبدو تزه بیلمیرم.
یار سالمیر اوستومه سایا،
جوان عمروم گیدیر زایا.
غواص تك دوشدوم دریایا.
چالخانیب اوزه بیلمیرم.
علی‌عسگرین ملول چاغی.
کونول اولوب غم دوستاغی،
بو سینمین دوخسان داغی
یتیشیب یوزه بیلمیرم.
موضوع انجمن
افزودن دیدگاه جدید