شعر ترکی

جین-جهنملی باخیش پنجره لردن قاچیرام
یاراسی تاغ-تاغ آچیلمیش هئره لردن قاچیرام

قولو سینمیش سونایام قان دنیزیندن اوچاراق
بیلمیرم من ندن آخ ... من نره لردن قاچیرام؟!

ائله قات - قات هؤرولوب داش قایالاردان بوداغیم
طیلیسیملرله دولو دئو دره لر دن قاچیرام

اوشویور منده مین ایلدیر بو ستلجملی اؤره ک
تونقالی کولده بیتن کور کوره لر دن قاچیرام

قارا غوربتلی، آغیر کولگه لی، دهشتلی سره
قولو بوینوندا قالان منظره لردن قاچیرام

الوداع! سئودیجه ییم سوندور او قانلی مایاغی
قارا تابوت لو کوچ ایله مره لردن قاچیرام

آیسو_مختاری