شعر عاشورایی | «قوی دیوم نلر چکمیشم حسین» - اصغر فردی

شعر عاشورایی | «قوی دیوم نلر چکمیشم حسین» - اصغر فردی

پادکست شعر عاشورایی با عنوان «قوی دیوم نلر چکمیشم حسین» با اجرای مرحوم اصغر فردی / مدت : 3 دقیقه

متن شعر عاشورا «قوی دیوم نلر چکمیشم حسین» - اصغر فردی

قوی دیوم نلر چکمیشم حسین، من کئچن گئجه روزگاریدن
بیر یانان چادر منزلیم اولوب، گؤر نه دوشموشم اعتباریدن
دویموشام داخی روزگاردن

آختاروب نقدری تاپانمادیم، بیر نفر مسلمان کئچن گئجه
اهل بیتوه پاسبان اولا، اولمیاخ هراسان کئچن گئجه
صبح اولونجا اطراف خیمه نی، گزمیشم پریشان کئچن گئجه
اینجیدیم داخی بوردا قالمارام، گؤرمدیم وفا روزگاریدن

پر شکسته قوشلار یغیشدیلار، ظلمیله یانان آشیانیمه
بیر نفر پرستاریم اُلمادي، قورخودان دوشوب لرزه جانیمه
نصف شب اوغولسوز آنام گلوب، خیمه گاهیده بیرجه یانیمه
پاسبان اولوبدور اوشاقلارا، قورتولوب باجون گیر و داریدن

ایتدی بیر قیزون درد و غصه دن، بیل بو قدر خرسندیدیم ئولم
باش قویوب دالینجا من ایستدیم، آختارام تاپام حالینی بیلم
بیر شقی منه رحم ایلدی، قتلگاهی گؤستردی تا گَلَم
وئردی اؤز بالامدان منه خبر، گؤردی گئتمیشم اختیاریدن

سن اؤزون بُلورسن نه حالیله، گلدیم ایله بیر دمده یانیوه
کاش گلمییدیم گلن کیمی، اللریم باتوب تازه قانوه
گؤردوم اللرون ساربان کسیب، لعن حق گله ساربانیوه
بیله بی وفالوق زمانه ده، گؤرمیوبدی بیر یار یاریدن

باشیوی بدنده گؤرنمدیم، تار اولوب گؤزومده منیم جهان
آنلادیم که حرمت ائدوب سنه، کوللر اوسته خولی وئروب مکان
هر کسه دئدیم باشون ایسته دیم، کوفه نی منه وئردیلر نشان
نه جواب واردور پیغمبره، حشرده دوراندا مزاردن

گؤرموشم بو عریان جنازه وی، ئوز وئروب منه غصه و محن
چون سویولموشام یوخدی بری زادیم، ایلیم سنون نعشیوی کفن
بیر گلور گمانیم بو ساچلارا، اذن وئر آچوم نعشون اوسته من
چاره یوخدی نیلوم خجالتم، چخمشام بو گون هر نه واردن

ساخلا ال ثریا داخی دایان، یازما بوندان آرتوق بو محنتی
بسدی بو قبول ایلسه اگر، پادشاه خوبان بو خدمتی
دل سنون دگول اوزگنوندی دل، باشلوب بیله طرز صحبتی
قیل یقین که تأیید خاصدور، لطف اوزیله پروردگاریدن

شاعر : مرحوم استاد میرزا احمد یاسر نجفی (ثریا)

ویژه نامه پیشنهادی : ویژه عاشورای حسینی علیه السلام / ویژه نامه خورشید بر نیزه