تاریخ انتشار: 10 دسامبر 2022 شماره مطلب: 44964 تعداد بازدید: 224 نظرات: 0
انجمن‌ها:
بئله گئتسه - بختیار وهاب زاده
بیر سیرداش ایسته ییریک
قلبیمیزی دویاجاق؛
تمیزسه - قلبیمیزی
گلین اؤزوموز آچاق.
آج گؤز یئدیکجه آجار،
دیلنچی یه ال آچار،
ظنّ ائتمه کی، تاماهکار
آخیر بیر گۆن دویاجاق.
اوجالدیقجا بیز ائندیک،
دۆز یولدان گئری دؤندوک؛
اؤزوموزو دۆشوندوک،
اؤزوموزو بیز آنجاق.
قانا حریص زلیلر
سوردوغونو آز بیلر؛
بئله گئتسه، اؤلولر
مۆرده شیری یویاجاق.
